Үндэсний шигшээ багийн тамирчид нийт 135 медаль хүртжээ

Үндэсний шигшээ багийн тамирчид энэ оны эхний 10 сарын байдлаар олон улсын тэмцээн уралдаанаас нийт 135 медаль (34 алт, 36 мөнгө, 65 хүрэл) хүртжээ.

Монголын үндэсний шигшээ багийн бүрэлдэхүүнд 27 спортын төрөлд 60 дасгалжуулагчийн удирдлага дор нийт 254 тамирчин бэлтгэл сургуулилтаа хангаж, тэмцээн уралдаанд оролцож байна. Үүнээс: 

• Насанд хүрэгчдийн ДАШТ-ээс: 4 алт, 5 мөнгө, 8 хүрэл
• Өсвөр үеийнхний ДАШТ-ээс: 1 алт, 2 хүрэл
• Залуучуудын ДАШТ-ээс: 1 хүрэл
• Насанд хүрэгчдийн Азийн АШТ-ээс 1 хүрэл
• Залуучуудын Азийн АШТ-ээс 5 алт, 4 мөнгө, 4 хүрэл
• Их дуулгаас 6 алт, 2 мөнгө, 11 хүрэл
• Гран-при тэмцээнээс 3 алт, 3 мөнгө, 6 хүрэл
• Дэлхийн цомоос 3 алт, 3 мөнгө, 2 хүрэл медаль 
• Эрх олгох болон ОУ-ын бусад тэмцээн уралдаанаас 12 алт, 13 мөнгө, 20 хүрэл медаль тус тус хүртжээ.

Харин Үндэсний шигшээ багийн энэ оны ууган амжилтыг 2025 оны нэгдүгээр сарын 6-8-нд БНСУ-ын Ганвон хотод болсон цанын 15 км, 10 км гэсэн хоёр зайд Б.Ачбадрах алтан медаль хүртсэн бол отгон амжилтыг өнгөрсөн амралтын өдрүүдэд болсон жүдо бөхийн гран-при тэмцээний эрэгтэйчүүдийн +100 кг-ын жинд Б.Гончигсүрэн алтан медаль хүртсэн.

Эх сурвалж: Биеийн тамир, спортын улсын хороо